Version imprimableL’Alliance Française: su Centru de limba e cultura in Casteddu pro sa limba frantzesa.
Associatzione chene iscopu de inare, sa Fondatzione Alliance Française de Parigi at cufrimmau s’istatutu de s’Alliance Française de Casteddu in su 2008. Custa fondatzione, cun s’atzione sua de utilidade pubbrica, tenet sa sede in uv’est s’Alliance Française de Parigi ’e tottu, unu de sos pius importantes centros de insegnamentu de su ’Frantzesu comente limba istranza’ (chi si nat su "FLE" in frantzesu) de su mundu, e faghet parte de sa rete internatzionale cun 136 istados diversos. S’Alliance Française de Casteddu faghet parte de sa rete ’e sas Alliances Françaises de Italia, chi tenet 35 associatziones dae su Piemonte a sa Puglia e dae sa Sicilia a su Trentino.
In Casteddu, s’accatat in su vighinadu San Benedetto, aende accurtzu butecas, iscolas, e fintzas a su mercau chi est fortzis su simbulu pius connotu de sa zona.
S’attividade sua est articolada in duos campos printzipales: pro primmu su campu linguisticu — s’Alliance française de Casteddu faghet sa promotzione de sa limba frantzesa, cun letziones fattas dae mastros e mastras de limba frantzesa, est fintzas sa sede de sos esames de su DELF-DALF e de su TCF, sas certificatziones internatzionales de limba frantzesa pius connotas, e podet organizare formatzione pro sos insegnantes de iscola riconnotas dae su MIUR (Ministeru de s’Istrutzione, de s’Universidade e de sa Ricerca), essende ente de formatzione accreditau — e pro secundu su campu culturale: organizat eventos de diversas ratzas, a sa sola o paris cun sos entes pubbricos, per esempiu s’universidade de Casteddu.
S’Alliance Française de Casteddu est su riflessu de un ammisciu de culturas, chi est s’essentzia de sa natura sua. Cun sos insegnantes de limba madre frantzesa, su comitau sou cumportat italianos amantes de su frantzesu e cun raighinas accurtzu meda a sa Sardinna.
Sighidenos in Facebook.
