Custos cursos sunu pessados pro unu livellu precisu (A1, A2, B1, B2, C1, C2) de su Cuadru europeu de referentzia pro sas limbas (QCERL in italianu).

In d’unu cursu de custu tipu, sos alunnos di preparan dae pius accurtzu a sos esames (3 sessiones a s’annu pro su DELF-DALF, sessiones onzi mese pro su TCF), supra tottas battor sas cumpetentzias (pro cumprendere, ascurtende e leghende, e pro comunicare, vaeddende o iscriende).

Cando incomintzan sos cursos?
Pro sighire su calendariu de sas sessiones de esame, sos cursos incomintzan de solitu a furria de duos meses primma de sos esames e tottu de su DELF-DALF, chi sighit unu calendariu natzionale (leghide sa setzione de sos esames de su situ). Pro intrare in su cursu de unu livellu si siat, bi cheret unu livellu de connoschentzia de su frantzesu accurtzu a su livellu ’e tottu de s’esame chi unu cheret dare; sa preparatzione at a dare sa metodologia de s’esame, chi est galu pius importante dae su livellu B2 in susu.

Notade: S’iscritzione a sos esames no tenet nudda de viere cun su cursu ’e tottu (leghide sas indicatziones in sa setzione de sos esames de su situ).

Ritmu: de solitu cun letziones duas vortas sa chida, de 1 ora e mesa onziuna. Su tantu ’e oras chi bi cheret est pacu pius o mancu: 20-25 oras, si unu tenet abberu su livellu de limba de s’esame.